«Ինտերի» հարձակվող Անտոնիո Կասանոն խոստովանել է, որ Անդրեա Ստրամաչոնիի հետ վիճաբանության ժամանակ ինքը սխալ է եղել։ Այդ մասին լրագրողներին հաղորդել է իտալական ակումբի մարզական տնօրեն Պյերո Աուսիլիոն։
«Անտոնիոն հասկացել և ընդունել է իր սխալը։ Այդ միջադեպը հարթված է և արդեն անցյալում է»,- Աուսիլիոյի խոսքերն է մեջբերում միլանյան ակումբի պաշտոնական կայքը։
Հիշեցնենք, որ Կասանոն մեծ տուգանքի է ենթարկվել։
