Ինչպես տեղադրել Mac OS X Mountain Lion 10.8 օպերացիոն համակարգը վիրտուալ միջավայրում

Նախորդ նյութերում մի քանի անգամ անդրադարձել եմ վիրտուալ միջավայրում տարբեր օպերացիոն համակարգեր տեղադրելուն, որի արդյունքում ընթացիկ օպերացիոն համակարգի վրա գտնվող ոչ մի ֆայլ կամ ծրագիր չի վնասվում: Կոպիտ ասած հնարավոր է մի օպերացիոն համակարգը աշխատացնել մյուս օպերացիոն համակարգի մեջ որպես սովորական ծրագիր: Վերջերս անդրադարձել էի նաև այն փաստին, որ Apple ընկերությունը թողարկել է իր նոր Mac OS X Mountain Lion 10.8 օպերացիոն համակարգը, որում կատարվել են մի շարք զգալի փոփոխություններ: Եթե ցանկանում եք այդ համակարգը տեղադրել և փորձարկել սովորական համակարգիչների վրա (ոչ Macintosh), ապա կարող եք հետևել այս պարզ քայլերին և տեղադրել այն վիրտուալ միջավայրում:

1.Ներբեռնեք VMware Player 5.0 ծրագիրը:

2.Ներբեռնեք Mountain Lion 10.8 վիրտուալ համակարգը uTorrent ծրագրի միջոցով (եթե չունեք uTorrent ծրագիր, ապա սեղմեք այստեղ):

3.Բացեք ներբեռնված արխիվը և սեղմեք Extract կոճակը: Այդ գործողության ավարտից հետո նույն թղթապանակում կհայտնվի OS X 10.8 Mountain Lion VMware Image թղթապանակ:

4.Բացեք նախորդ քայլում ստացված թղթապանակը, հետո VMWare Unlocker - Mac OS X Guest թղթապանակը, հետո VMware 7.1.x Series, հետո VMware Player Unlocker:

5.Աշխատացրեք այդ թղթապանակում գտնվող 2 ֆայլերը որպես Administrator:

6.Բացեք OS X 10.8 Mountain Lion թղթապանակը և աշխատացրեք OS X 10.8 Mountain Lion.vmx ֆայլը:

7.Բացված պատուհանում ընտրեք copied it տարբերակը:

8.Մի քանի վայրկյան սպասեք և վայելեք նոր օպերացիոն համակարգը: