Արգենտինայի հավաքականի նախկին գլխավոր մարզիչ Դիեգո Մարադոնան հերթական անգամ իր հիացմունքն է արտահայտել «Բարսելոնայի» հարձակվողԼիոնել Մեսսիի խաղի վերաբերյալ։ Մարադոնան չի թաքցնում, որ երազում է գլխավորել կապտանռնագույններին։ Այս մասին հաղորդում է Football Espana-ն։
«Մեսսին չի կարող փրկել իր թիմին բոլոր խաղերում։ Ես շատ եմ սիրում նրան և ուզում եմ կրկին հանդիպել նրան՝ այս անգամ «Բարսելոնայում»։ Կարծում եմ՝ իրավունք ունեմ երազել, որ ամեն օր մարզեմ Մեսսիին «Բարսելոնայում»,- հայտարարել է Մարադոնան։
Հիշեցնենք, որ նա նաև ասել է, թե կատալոնացիների խաղն անիմաստ է առանց Գվարդիոլայի։
