Հունվար 04, 2013 | 09:28
Այսօր Վրաստանի նախագահ Միխայիլ Սահակաշվիլիի հրաժարականի պահանջով բողոքի ցույցեր տեղի կունենան Հավլաբարի նրա նստավայրի մոտ, իսկ մարզերում` վարչական շենքերի դիմաց: Այդ մասին մամուլի ասուլիսում հայտնել են «Թեթրեբի» քաղաքական կուսակցության առաջնորդ Թիմուր Շաշիաշվիլին եւ «Միասնություն հանուն հասարակայնության իրավունքների» ոչ կառավարական կազմակերպության նախագահ Միխայիլ Անդգուլաձեն, հաղորդում է «Գռուզիա-online»-ը:
Ըստ նրանց հայտարարության` եթե նշված բողոքի ցույցից հետո նախագահը հրաժարական չտա, հունվարի 20-ին նույն պահանջով զանգվածային ցույց կանցկացվի: «Սահմանադրությունը հարմարեցված է մեկ մարդու, այն ընձեռում է բոլոր հնարավորությունները, որպեսզի գերիշխի մեկ մարդ, մեկ կլան, մեկ հատված, այլ ոչ թե կուսակցությունը: Միխայիլ Սահակաշվիլիի երկրորդ հնգամյա ժամկետն ավարտվում է հունվարի 20-ին: Այդ պաշտոնը նախագահը զբաղեցրել է ընտրությունների կեղծման ճանապարհով», - հայտարարել Թեյմուրազ Շաշիաշվիլին:
